"Қашқадарё" ва "Новости Кашкадарьи" газеталарининг расмий веб-сайти
Ўқимоқчи бўлган газетангиз номи устига босинг!
(Нажмите на логотип газеты, которую планируете прочитать)

20 январь, шанба.
As soon as you open an account Bet365 will send you a 10 digit Offer Code via email. Receive Your £200 bet365 Welcome Promo Bonus plus £50 Mobile Promo

ҲАМ АСАЛ, ҲАМ АСАЛАРИ ЕТИШТИРИЛАДИ

Иқтисодиёт
Tipografiya

ҲАМ АСАЛ, ҲАМ АСАЛАРИ ЕТИШТИРИЛАДИ

Асаларичилик ўзига яраша машаққатли, шу билан бир қаторда, сердаромад тармоқдир. Бу мавсумий фаолият тури бўлгани сабаб ишбилармон муайян даврдагина кўпроқ тер тўкишга, яъни мустаҳкам озуқа базасини ахтаришга мажбур бўлади. Бугунги кунда юртимизда ушбу соҳа жадал ривож топаяпти. Тадбиркор асаларичилик билан шуғулланиб бой бўлиши баробарида қишлоқ хўжалиги экинлари ҳосилдорлиги юқори бўлишига ҳам ҳисса қўшаяпти.

Чироқчи туманидаги “Абдураҳмон бобо” хўжалиги ҳам асаларичиликка ихтисослашган. Айни вақтда унда 700 асалари оиласи парваришланаяпти. Мазкур субъект мутасаддилари асал етиштириш билан бирга наслчилик, аниқроғи, зотдор асалариларни кўпайтиришни ҳам самарали ташкил этишган.

- Ўтган йили асалари боқиб, 20 тонна ҳосил олдик, - дейди хўжалик раҳбари Зайниддин Бобоев. – Бизда болнинг ҳар хил тури бор. Пахта, беда, тоғ гиёҳларидан йиғилган асал ҳам топилади. Қолаверса, наслчилик ишларини ривожлантиришга ҳам эътибор қаратаяпмиз. Ҳозирда карпат зотли асалариларни парваришламоқдамиз. Боларининг бу тури касалликка чидамли, кўп асал тўплайди. Шу туфайли уларга харидор кўп. Бу йўналишда тадбиркорликни бошламоқчи бўлган кишилар четдан сотиб олгандан кўра, биздан харид қилишни маъқул кўришаяпти. Асалариларни табиий усулда кўпайтираяпмиз.

Ишбилармоннинг сўзларига кўра, хўжаликда гул чанги тайёрлаш ҳам алоҳида аҳамият касб этади. Бу маҳсулот тиббиётда қимматбаҳо хомашё саналиб, камқонликни даволашда асқатар экан. Бугунги кунда ушбу маҳсулотга ҳам талабгор талайгина.

Мирзоҳид ЖЎРАЕВ