"Қашқадарё" ва "Новости Кашкадарьи" газеталарининг расмий веб-сайти
Ўқимоқчи бўлган газетангиз номи устига босинг!
(Нажмите на логотип газеты, которую планируете прочитать)

20 январь, шанба.
As soon as you open an account Bet365 will send you a 10 digit Offer Code via email. Receive Your £200 bet365 Welcome Promo Bonus plus £50 Mobile Promo

ҲАЁТ КУЗАТУВЛАРИДАН ҚАЙДЛАР

Маънавият
Tipografiya

ҲАЁТ КУЗАТУВЛАРИДАН ҚАЙДЛАР

Аксариятимиз кимнингдир мадади ва паноҳида юришни истаймиз, аммо бу хислат мутеликка бошлашини ҳис этмаймиз.

* * *

Дайди ит увиллаб оромни бузар тонг отмагунча,

Нафсу ҳирс тинч қўймас қабрга олиб кетмагунча.

* * *

Майхўрлик олиму фозилларни ҳам масхарабозга айлантириб қўяди.

* * *

Кучлилар зўрларнигина ўзига муносиб рақиб ҳисоблайди.

* * *

Ёшинг ўтиб боргани сари ҳеч кимнинг дилини  оғритмасликка ҳаракат қиласан ва ўз навбатида қалбингга озор берганларни кечира олмайсан.

* * *

Инсон қалбан ва руҳан озод, эркин бўлмаса, ҳамиша қулликка мойил бўлади.

* * *

Ёшлигида руҳан синдирилган бола улғайганда етакчиликка даъвогар бўла олмайди.

* * *

Ҳар қандай йўл билан мақсадига эришишга интиладиган одамлар хавфлидир.

* * *

Ризқу луқмасини ҳалол ошаб юрганлар ҳамиша таҳсинга лойиқдирлар.

* * *

Кексайган чоғингда фойданг тегмаган одамлардан кўра хафа қилган, зараринг теккан одамлар ҳақида кўпроқ ўйлайсан.

* * *

Ижодкорлар яратган асарлари билан энг аввало ўзини ўзи овутишга ҳаракат қиладилар.

* * *

Ўз меҳнатидан баҳраманд бўлмаган одам ҳамиша айёрлик, дангасалик, ғийбатчилигу боқимандалик қилишга ҳаракат қилади.

* * *

Ўзингдаги яхши хислатни фарзандингда кўрсанг - бир марта, ўзингдаги ёмон хусусиятни фарзандингда кўрмасанг икки ҳисса хурсанд бўласан.

* * *

Ўз миллати, халқи тилини билмайдиганлар ҳеч бир жойда тан олинмайди, ҳурмат қилинмайди.

* * *

Бизни фақат мақташни одат қилганлар  ҳақиқий дўстимиз эмаслигини эсдан чиқармайлик.

* * *

Фикрсиз қарсакбозлар, мадҳиябоз, хушомадгўйларнинг кўп бўлиши халқпарвар, ватанпарварлар кўплигидан далолат бермайди.

* * *

Ҳаёт жуда қисқа: шунинг учун ҳам яхши ва савобли ишлар қилиб олишга улгурмоқ керак.

* * *

Ўзгаларни ёмонлаш орқали меҳр-муҳаббат қозонилмайди.

* * *

Шахсий манфаатларини эсдан чиқарган одамгина бутун инсоният манфаати йўлида хизмат қила олади.

 

Абдишукур ОМОНОВ