"Қашқадарё" ва "Новости Кашкадарьи" газеталарининг расмий веб-сайти
Ўқимоқчи бўлган газетангиз номи устига босинг!
(Нажмите на логотип газеты, которую планируете прочитать)

23 июль, душанба.

ҲАЁТ КУЗАТУВЛАРИДАН ҚАЙДЛАР

Маънавият
Tipografiya

ҲАЁТ КУЗАТУВЛАРИДАН ҚАЙДЛАР

Муаммони ичида юрганлардан кўра бу муаммони четдан кузатиб турганлар шу муаммонинг ечими ҳақида аниқроқ маслаҳат берадилар.

* * *

Ўзини кўп нарса билганга ўхшаб кўрсатишга интилувчилар аслида кўп нарсанинг асл моҳиятини билмайдилар.

* * *

Арзимасу бачкана нарсалар учун ҳам ходимларига жаҳлу зулм қилишга интилувчи бошлиқнинг ўзи раҳбарликка арзимайди.

* * *

Ҳаёту жамият гўзал, шу жамиятда чиройли ва бахтли яшаш янада гўзалроқдир.

* * *

Аждодлар гуноҳи авлодлар бошини эгиб турса, авлодлар хатоси аждодлар шуҳратига соя ташлайди.

* * *

Ўзгаларни виждону инсоф йўқликда айблашни одат қилганларнинг аксариятида диёнат йўқ.

* * *

Донишлар жоҳиллардан узоқроқ юришга ҳаракат қилсалар, нодонлар фозиллар билан жанжал қилишга ҳаракат қиладилар.

* * *

Ҳушёрлигу огоҳлигини йўқотганлар ташвишу мусибатларга тушиши муқаррардир.

* * *

Мансабдору мулкдорларга хушомадгўйликни билмайдиганлар мард одамлар тоифасига киради.

* * *

Боболар ўрни-шуҳратини набираю эваралар эгалламаса, бу уруғу авлодни ҳамма тезда эсдан чиқариб юборади.

* * *

Хурсандчилигу изтироблар ва ютуғу мағлубиятлар бўлмаганда эди, инсон ҳаёти, яшаши бунчалик жозибадор ҳамда сирли бўлмаган бўларди.

* * *

Мансабидан кетиб қолишдан қўрқув аксарият амалдорларни ўзидан юқори турувчи амалдорга хушомадгўйлик қилишга мажбур қилади.

* * *

Айрим эгри қўл мулкдорлар мансабдорларни моддий манфаатдор қилиб, “ўзининг одами”га айлантириб олмоқчи бўлиб юрадилар.

Абдишукур ОМОНОВ