"Қашқадарё" ва "Новости Кашкадарьи" газеталарининг расмий веб-сайти
Ўқимоқчи бўлган газетангиз номи устига босинг!
(Нажмите на логотип газеты, которую планируете прочитать)

22 июль, якшанба.

КУЧЛИЛАР САРАЛАНДИ

Спорт
Tipografiya

Волейбол

КУЧЛИЛАР САРАЛАНДИ

Жорий йилнинг 28-29 ноябрь кунлари вилоят ҳуқуқни муҳофаза қилувчи идоралари ходимлари ўртасида спортнинг волейбол тури бўйича “Динамо” жисмоний тарбия ва спорт жамияти кенгаши биринчилиги учун мусобақа бўлиб ўтди. Унда 10 та жамоа ғолиблик учун куч синашди.

Айтиш жоизки, осойишталигимиз посбонлари, тинчлигимиз кафолати саналган Ватан ҳимоячилари ўртасида ўтказилаётган бу каби мусобақалар ходимларнинг жисмонан бақувватлиги ҳамда жанговар шайлигини оширишга хизмат қилмоқда.

Мусобақа ярим финалида вилоят божхоначилари ҳарбий қисм хизматчиларидан ташкил топган жамоани мағлуб этган бўлса, иккинчи жуфтликда Миллий хавфсизлик хизмати вилоят бошқармаси ходимлари ИИБ жамоасидан устун келиб, финалга йўл олди.

Финал қизғин курашларга бой ўтди ҳамда якунда МХХ вилоят бошқармаси жамоасининг қўли баланд келди, божхоначилар 2-ўрин билан кифояланди.

Мусобақа якунида ташкилотчилар томонидан совриндор жамоаларга олтин, кумуш ва бронза медаллари ҳамда қимматбаҳо совғалар тантанали равишда топширилди.

Комил ИСЛОМОВ,

вилоят божхона бошқармаси катта инспектори