"Қашқадарё" ва "Новости Кашкадарьи" газеталарининг расмий веб-сайти
Ўқимоқчи бўлган газетангиз номи устига босинг!
(Нажмите на логотип газеты, которую планируете прочитать)

22 апрель, якшанба.

САФАРДАГИ МУҲИМ БАҲС

Спорт
Tipografiya

Футбол

Бугун футбол бўйича Ўзбекистон миллий чемпионати - суперлиганинг 5 тур ўйинлари давом эттирилади. Ортда қолган 4 тур натижаларига кўра 8 очко жамғариб, турнир жадвалида 3-ўринда бораётган "Насаф" жамоаси бу гал  ўзидан бир поғона пастда жойлашган "Навбаҳор" меҳмони бўлади.

Маълумки, ушбу икки жамоа ўртасидаги баҳслар ҳар доим қизғин ва муросасиз кечган. Айниқса, ўз майдонида бўлиб ўтадиган баҳсларда "лочинлар" "Насаф" учун ўта ноқулай рақибга айланади.

Шу пайтгача жамоалар ўзаро  42 учрашув ўтказишган бўлса, 22 учрашувда "аждарлар" ғалабага эришган. 11 та ўйинда "лочинлар"нинг қўли баланд келган. Қолган 9 та баҳсда эса дурангга имзо чекилган.

Наманганда ўтказилган ўзаро учрашувларга назар ташлайдиган бўлсак, мазкур жамоалар бунгача 21 марта куч синашган. Уларнинг 9 тасида "Навбаҳор"нинг қўли баланд келган бўлса, 4 учрашувда "аждарлар" ғалаба қозонган. 8 учрашувда муроса кўчаси танланган.

Хуллас, "Навбаҳор" ва "Насаф" жамоалари ўртасидаги баҳс турнинг марказий ўйини бўлиши кутилмоқда. Қолаверса, бугунги ўйин натижаси жамоаларнинг турнир жадвалидаги мавқеига ҳам жиддий таъсир ўтказади.

Учрашувни бошқариб бориш учун Владислав Цейтлин бошчилигидаги ҳакамлар бригадаси тайинланган. Унга ён чизиқларда Тимур Галеев ва Александр Сидоровлар ёрдам беришади. Захира ҳаками сифатида Рустам Лутфуллин ишлайди.

Ж.ҚИЛИЧЕВ