"Қашқадарё" ва "Новости Кашкадарьи" газеталарининг расмий веб-сайти
Ўқимоқчи бўлган газетангиз номи устига босинг!
(Нажмите на логотип газеты, которую планируете прочитать)

21 сентябрь, жума.

ЯНГИ ЎҚУВ ЙИЛИ БОШЛАНДИ

Таълим
Tipografiya

Фидойинг бўлгаймиз сени, Ўзбекистон!

Биринчи қўнғироқ

ЯНГИ ЎҚУВ ЙИЛИ БОШЛАНДИ

2 сентябрь куни мамлакатимизнинг барча ҳудудларида бўлгани каби вилоятимиздаги таълим масканларида ҳам биринчи қўнғироқ садолари янгради.

Янги ўқув йили истиқлолимизнинг 26 йиллиги муносабати билан "Фидойинг бўлгаймиз сени, Ўзбекистон!" шиори остида "Мустақиллик дарслари" ва Биринчи Президентимиз Ислом Каримовни ёд этишга бағишланган "Хотира дарслари" билан бошланди.

- Бу йил вилоятимиздаги барча умумтаълим мактабларига 64 минг 268 нафар ўқувчи биринчи синфларга қабул қилинди, - дейди вилоят халқ таълими бошқармаси бошлиғи ўринбосари Мақсуд Панжиев. - Уларга "Президент совғаси" - 12 номдаги ўқув қуроллари солинган мактаб сумкалари тантанали топширилди.

Таъкидлаб ўтиш жоиз, бу йил мамлакатимиз таълим тизимида амалга оширилган муҳим ислоҳотлардан бири - мактабларда 11 йиллик таълим тизимининг жорий этилиши бўлди. Шунга асосан, 9-синфни битирган ўқувчилар ўз хоҳишларига кўра таълимнинг кейинги босқичини касб-ҳунар коллежи, академик лицей ёки мактабда давом эттириши мумкин. Вилоят халқ таълими бошқармасидан олинган маълумотга кўра, ўтган ўқув йилида мактабларнинг 9-синфини тамомлаган 48 минг 910 нафар ўқувчидан жорий йилнинг 2 сентябрь ҳолатида 40 минг 514 нафари ўқишни 10-синфда давом эттирмоқда. Айрим ўқувчиларнинг аввал касб-ҳунар коллежи ёки академик лицейга ҳужжатларини топшириб, кейин яна мактабга қайтиш ҳолатларини инобатга олсак, бу рақам янада ўсиши мумкин.

Жаҳонгир БОЙМУРОДОВ