Жамият 29.03.2019 392

ЛОҚАЙДЛИКНИНГ ЧЕГАРАСИ БОРМИ?

Фототанқид

Эшак ва итлар кезиб юргани акс этган мана шу биргина сурат Қамаши туманидаги жуда кўп ташкилотлар ишига баҳо беришга имкон беради.

Бунинг учун, аввало, юзлаб болалар ўқишга келиб-кетадиган масканда турли жониворларнинг бемалол "сайр"ига шароит яратган 22-мактаб маъмуриятини;

чиқиндини ташиб кетмагани камдай, уни титадиган жониворларга эътибор қаратмайдиган туман ободонлаштириш идорасини;

касаллик пайдо бўлмагунча, жон койитиш хаёлига келмайдиган давлат санитария-эпидемиология назорат марказидагиларни;

аксар маҳал иши деярли сезилмайдиган маҳалла мутасаддиларини;

футбол майдонини "чақирилмаган меҳмон"ларга "бўшатиб" берган болалар спортига масъулларни

ҲАР ҚАНЧА КОЙИСАНГ АРЗИЙДИ.

Чунки гап шунчаки нарса эмас, одамлар, хусусан, болалар саломатлиги ҳақида бормоқда. Фалсафадаги "сабабсиз оқибат бўлмайди" деган қоидани кўпчилик билади. Биз айтаётган жойда бош сабаб ЛОҚАЙДЛИК бўлса керак...

Н.ХЎЖАЕВ

Собир НАРЗИЕВ олган сурат