Спорт 30.01.2017 586

ВАКИЛЛАРИМИЗДА 41 ТА ОЛТИН, 43 ТА КУМУШ ВА 36 ТА БРОНЗА

Жит Кун До

ВАКИЛЛАРИМИЗДА 41 ТА ОЛТИН, 43 ТА КУМУШ ВА 36 ТА БРОНЗА

Қарши шаҳридаги “Геолог” маданият спорт-соғломлаштириш марказида 7 ёшдан 25 ёшгача бўлган ўғил-қизлар ўртасида Брюс Ли хотирасига бағишланган  халқаро мусобақа бўлиб ўтди.

Унда республикамизнинг барча вилоятлари ва қўшни Қозоғистон давлатидан келган 550 нафар спортчи яккакураш баҳсларида ўз маҳоратини кўрсатди.

Қизиқарли ва муросасиз руҳда ўтган мусобақада вилоятимиз терма жамоаси муносиб тарзда иштирок этди. Спортчиларимиз 41 та олтин, 43 та кумуш ва 36 та бронза медалини қўлга киритди. Шу тариқа, умумжамоа ҳисобида вилоятимиз терма жамоаси биринчи ўринни эгаллади. Тошкент ва Сирдарё вилоятлари жамоалари эса мос равишда иккинчи ҳамда учинчи ўринни қўлга киритди.

Мусобақа сўнгида ғолиб ва совриндорларга кубок, медаль ҳамда махсус дипломлар топширилди.

А.НОРОВ

Жамшид НОРҚОБИЛОВ  олган сурат.