Qashqadaryo

"Қашқадарё" газетасининг расмий веб-сайти
16 февраль, якшанба. 2025 йил                         Махсус версия RU

30.01.2025


Тадбиркор "ақлли" соат туфайли алкоголдан воз кечди

Whole Foods супермаркетлар тармоғи асосчиси Жон Маккей уч йил аввал Apple Watch "ақллисоати туфайли спиртли ичимликлардан воз кечгани ҳақида гапирдиБу ҳақда Business Insider манбаси ёзган.

Унинг сўзларига кўра, Apple Watch ёрдамида ўз уйқуси ҳолатини кузатишни бошлагач,  айрим кунлари яхши, айрим кунлари эса ёмон ухлаганини фаҳмлаган. Бу фарқ сабабини ўрганиш учун у кундалик одатларини таҳлил қила бошлаган.

Тадбиркор кўпроқ машқ қилиш ва ётишдан олдин камроқ овқатланиш яхши ухлаш учун асқатишини аниқлаган. Аммо энг катта кашфиёт спиртли ичимликлар истеъмолидан кейин чуқур уйқу фазаси йўқолиши бўлган. У AutoSleep иловасидан фойдаланиб, ҳатто бир жом вино ёки пиво ҳам ўзини чуқур уйқудан маҳрум қилишига ҳамда умумий уйқу вақтини тахминан бир соатга қисқартиришига аниқлик киритган.

Жон Маккей спиртли ичимликлардан воз кечишни истамай, яна кўплаб тажрибалар ўтказган, бироқ "ақлли" соат ёрдамида тўпланган фактлар аниқ эди: алкоголь уйқу сифатини бузади. Натижада тадбиркор соғлом уйқу учун спиртли ичимликлардан воз кечиш қарорини қабул қилган.

Report typo