14 декабрь пайшанба.
As soon as you open an account Bet365 will send you a 10 digit Offer Code via email. Receive Your £200 bet365 Welcome Promo Bonus plus £50 Mobile Promo

ВИЛОЯТИМИЗ КАРАТЭЧИЛАРИ МУСОБАҚАЛАШДИ

Спорт
Tipografiya

Спорт

ВИЛОЯТИМИЗ КАРАТЭЧИЛАРИ МУСОБАҚАЛАШДИ

Қарши ахборот- технологиялари коллежида каратэ бўйича 8 ёшдан 18 ёшгача ҳамда ундан юқори ёшдаги спортчилар ўртасида вилоят кубоги мусобақаси бўлиб ўтди.

Вилоят жисмоний тарбия ва спорт бошқармаси ҳамда вилоят каратэ федерацияси томонидан ташкил этилган мусобақада 170 нафардан ортиқ ўғил-қизлар татамига чиқди. Улар 26 вазн тоифасида куч синашди.

- Вилоятимиз ёшлари орасида каратэ спорт турига қизиқиш катта, - дейди Қарши шаҳридаги 44-мактаб қошида ташкил этилган каратэ клуби мураббийи Шоҳрух Салимов.    Фаолият бошлаганимизга бир йилга яқин бўлган бўлса-да, ҳозирда клубимизга 100 га яқин ёшлар аъзо.  Ушбу мусобақада клубимиз шуғулланувчилари Жавоҳир Салимов,  Шоҳжаҳон Тўқбоев, Нажмиддин Саидов, Ҳусан Эркинов, Маҳмуд Қувватов ўз вазн тоифаларида совринли ўринларни қўлга киритишди.

- Каратэ спорт тури нафақат ўзини ҳимоя қилишни ўргатади, балки руҳан, жисмонан тетик бўлиш учун ҳам ёрдам беради, - дейди Шоҳжаҳон Тўқбоев. – Устозимиздан ўрганганларимизни тенгдошларимиз билан татамида синаб кўраяпмиз. Келажакда Ўзбекистон чемпиони, мамлакат кубоги соҳиби, Осиё чемпиони бўлишни орзу қиламан. 

Қизғин баҳсларга бой бўлган мусобақада ғолиб спортчилар эсдалик совғалари, диплом ва медаллар билан тақдирланди.

С.АЛЛАЁРОВА