Қайд этиш жоизки, мамлакатимизда кичик бизнес ва хусусий тадбиркорликни ривожлантиришга қаратилган юксак эътибор самараси ўлароқ уларнинг иқтисодиётдаги улуши тобора ортиб, аҳоли бандлигини таъминлаш, истеъмол товарларига, озиқ-овқат маҳсулотларига бўлган эҳтиёжни янада тўлақонли қондиришда муҳим омил бўлиб хизмат қилаяпти.
Айни пайтда сут ва сут маҳсулотларини ишлаб чиқариш цехида 13 кишининг бандлиги таъминланган бўлиб, уларнинг асосий қисмини ёшлар ташкил этади.
- Асосий эътиборимиз маҳсулот сифатига қаратилган, - дейди корхона раҳбари Баҳром Носиров. – Ишлаб чиқарган маҳсулотларимизни юртимизнинг турли вилоятларидаги савдо нуқталарига етказиб бераяпмиз. Даромадимиз ёмон эмас. Фойда ҳисобидан қўшимча фаолият турларини йўлга қўйишни мўлжаллаб турибмиз. Келгусида қумоқ печенье, газли ва газсиз минерал сув ишлаб чиқариш ниятидамиз.
Мирзоҳид ЖЎРАЕВ
Суратларда: корхона фаолиятидан лавҳалар.
Собир НАРЗИЕВ олган суратлар.
