Айни вақтда дунё мамлакатларининг ярмидан кўпроғи у ёки бу даражада долларга бойкот эълон қилган. "Новости" манбаси ўз таҳлиллари асосида шундай хулосага келди.
Манба давлатларни уч группага ажратган. Биринчи гуруҳга молия идоралари долларга қарши очиқча гапирмаган ва чеклов чоралари қўлламаган 94 та мамлакат киритилган. Муаллифларнинг қайд этишича, бунга АҚШ долларидан расмий валюта сифатида фойдаланувчи давлатлар, мисол учун, Панама, Сальвадор ва Маршалл ороллари ҳам кирган.
Иккинчи гуруҳга халқаро ҳисоб-китобларда миллий валютага ўтишни фаол бошлаган ёки доллардан фойдаланишга чеклов киритган 46 та мамлакат жойлаштирилган.
Таҳлил муаллифлари Америка долларига қарши очиқча гапираётган давлатларни учинчи гуруҳга қўшишган. Ушбу рўйхатдан 53 та мамлакат жой олган.
Халқаро валюта фондининг ўтган йил декабрь ойи охиридаги маълумотлари 2024 йил учинчи чорак якунлари бўйича долларнинг жаҳон валюта захираларидаги улуши охирги ўттиз йилдаги энг паст кўрсаткични янгилаганини кўрсатганди.
