Маймун чечаги (mpox) касаллиги туфайли дунё соғлиқни сақлаш тизими фавқулодда ҳолат режимида қолмоқда. Бу ҳақда Жаҳон соғлиқни сақлаш ташкилоти (ЖССТ) директори Тедрос Аданом Гебрейесус маълум қилган.
Фавқулодда ҳолат режими mpox вируси оммавий тарқалиши сабаб шу йил 14 августда эълон қилинган эди. Унгача ЖССТ 2022 йил июль ойидаёқ маймун чечаги тарқалиши "халқаро аҳамиятдаги фавқулодда ҳолат" эканлигини ҳам маълум қилган.
Жаҳон соғлиқни сақлаш ташкилоти раҳбарининг сўзларига кўра, mpox вируси тарқалиши муаммоси "мамлакатлар ва ҳамкорлар" томонидан мувофиқлаштирилган қарши ҳаракат чораси қабул қилинишини талаб қилади.
Айни вақтда касаллик бутун Ер географияси бўйлаб кенг тарқалишда давом этмоқда.
