Унда Қарши шаҳри ва барча туманлардан касб-ҳунар коллежларининг ўқитувчилари иштирок этди.
Семинар-тренингда Германиянинг Халқаро ҳамкорлик бўйича жамғарма кассалар фонди экспертлари Илона Грос ва Кристина Колхаас, лойиҳа координатори, Ўзбекистон Республикаси Хотин-қизлар қўмитаси масъул ходими Дилором Қўзиева иштирокчиларга ушбу лойиҳанинг мазмун-моҳияти, тадбиркорликда муваффақиятга эришиш йўллари, бизнес-режа қандай тузилиши ва бунда нималарга эътибор бериш лозимлиги ҳақида батафсил тушунча беришди.
- Ушбу семинар-тренинг ўрта махсус, касб-ҳунар таълими муассасаларининг битирувчилари билан ишлайдиган ўқитувчилар учун мўлжалланган бўлиб, уларни мустақил тадбиркорлик фаолияти юритиш арафасида турган ёшларга кўмаклашиш, уларга тавсиялар беришга тайёрлашдан иборат, - дейди лойиҳа ўқитувчиси Дилором Умарова. - Шунингдек, битирувчи ёшлар меҳнат бозорида ўзига мос касб танлашлари учун шарт-шароитлар яратиш, шахсий бизнесини очишга интилаётган ва бирор-бир фаолият турини танлашда қийналаётганларга бошланғич маслаҳат, тавсиялар бериш ҳам лойиҳада кўзда тутилган.
Семинар-тренинг иштирокчилари икки кун давомида ўзаро тажриба алмашишди.
Ш.БОЗОРОВА
