Euro NCAP ташкилоти ўтказилган краш-тест синовлари натижалари бўйича 2024 йилнинг энг хавфсиз енгил автомобиллари номларини айтди, дея хабар беради motor.ru.
Унга кўра, Zeekr X кроссовери "Энг хавфсиз электромобиль" номинациясида ғолиб бўлган. Бундан ташқари, ушбу модель кичик кроссоверлар синфидаги энг яхши автомобиль сифатида тан олинган.
Mazda CX-80 модели энг хавфсиз катта кроссовер деб топилган. Катта оилавий автомобиллар рейтингида Skoda Superb етакчи. Шунингдек, мутахассислар Хитой ишлаб чиқарувчиларига тегишли Maxus eTerron 9 машинасининг юқори хавфсизлик даражасини қайд этишган. Номинациялардан қатъий назар, Mercedes-Benz E-Class мутлақ ғолиб бўлган.
Euro NCAP - мустақил краш-тест синовларини ўтказиб, автомобилларнинг фаол ва пассив хавфсизлигини баҳоловчи Европа ташкилоти.
