Қарши агробизнес ва тадбиркорлик касб-ҳунар коллежида ташкил этилган кўрик-танловда Қашқадарё ва Сурхондарё вилоятлари вакиллари иштирок этишди.
Таъкидлаш жоиз, мазкур кўрик-танлов истиқлол берган саодат туфайли бахту иқболи баланд, ҳар томонлама бошқаларга ўрнак бўла оладиган оилаларнинг ҳаётий тажрибаларини оммалаштириш, уларни қўллаб-қувватлаш, ёш оилаларга ғамхўрлик кўрсатиш, жисмонан соғлом ва ҳар томонлама баркамол авлодни вояга етказиш каби мақсадларни кўзда тутади.
Танлов ғолиблари "Оила тинчлиги - юрт ободлиги", "Соғлом она ва бола" каби лойиҳалар, "Баркамол авлодни тарбиялашда оила институтининг роли" мавзусидаги савол-жавоблар асосида аниқланди.
Якунда Қамаши туманидаги Қаҳрамон Тоштурдиев ва Муқаддас Эргашева оиласи 1-ўринга лойиқ кўрилди ва Халқаро оила кунида бўлиб ўтган танловнинг мамлакат босқичида иштирок этди.
Ш.ҚАҲҲОРЗОДА
