Унда юртимиз ёшлари билан бирга Россия, Туркия, Корея, Хитой, Эрон, Германия, Озарбайжон, Миср, Қозоғистон, Қирғизистон, Тожикистон ва Афғонистон каби давлатлардан иштирокчилар қатнашди. Эътиборлиси, ёш истеъдод эгаларини қўллаб-қувватлаш ва тенгдошлари билан тажриба алмашишга кўмак беришга қаратилган ушбу танловда - Қарши маданият ва туризм коллежининг 3-босқич ўқувчиси Жаҳонгир Жуманазаров 3-ўринни қўлга киритди.
- “Бўлурму?”, “Қаландар”, “Савти калон” ва “Исори баёт”ни ижро этдим, - дейди ёш хонанда. – Танлов давомида тенгдошларим ижоди билан танишдим, овозимдаги камчиликларни ҳам англаб етдим.
Дарвоқе, бу Жаҳонгирнинг илк ютуғи эмас. У 2014 йилда Озарбайжонда ўтказилган халқаро “Муғом” фестивалида, 2017 йилда “Ёш ижрочилар” республика кўрик-танловида муносиб иштирок этиб, диплом ва фахрий ёрлиқ билан тақдирланган. “истеъдод” танловидаги 3-ўрин эса унга ўз йўналиши бўйича олий ўқув юртига кириш имтиёзини берди.
Сожида АЛЛАЁРОВА
