"Камолот" ёшлар ижтимоий ҳаракати ташаббуси ҳамда бошқа бир қатор вазирлик ва ташкилотлар билан ҳамкорликда 9-марта ўтказилаётган мазкур мусобақанинг ҳал қилувчи босқичида мамлакатимизнинг барча ҳудудларидан 8 ёшдан 19 ёшгача бўлган 140 нафар шахматчи баҳс олиб борди.
Эътиборлиси, вилоятимиз вакилларидан 2 нафари ўз ёш тоифаларида ғолибликни қўлга киритди. Хусусан, Бекзод Ҳусанов 19 ёшгача бўлган шахматчилар ўртасида зафар қучган бўлса, 11 ёшли Феруза Қурбонова эса тенгқурларига ҳеч қандай имконият қолдирмади.
- Қизим Ферузанинг муваффақиятидан хурсандман, - дейди Ёрқиной Азизова. - Қизимнинг ҳар бир иштирокини кузатиб бордим. Яширмайман, роса ҳаяжонландим. Якунда Феруза 7 турдан 5,5 очко жамғариб, мусобақа ғолибига айланди.
Ғолиб ва совриндорлар ташкилотчилар томонидан бир қатор номинациялар бўйича ҳам тақдирланди.
М.ШУҲРАТОВ.
