Таъкидлаш ўринли, ушбу тадбир ёшларнинг диний экстремизм ва терроризм, “оммавий маданият”, бузғунчилик, ахлоқсизлик каби ёт ғояларга қарши мафкуравий иммунитетини янада кучайтириш, талаба-ёшларнинг диний ва дунёвий билимларини ошириш, турли таҳдидларга қарши мустақил фикрларини баён этиш қобилиятини ривожлантиришда, уларнинг мамлакатимизда кечаётган ижтимоий, сиёсий, маданий-маърифий жараёнлардаги фаол иштирокини таъминлашда, ёшларни юртга садоқат, бой қадриятларимизга ҳурмат руҳида тарбиялашда муҳим аҳамият касб этади.
Беллашувда жамоалар тўрт йўналиш бўйича ўз билим ва иқтидорларини синовдан ўтказдилар.
Қизғин кечган баҳсларда Хожа Бухорий номли ўрта махсус ислом билим юрти жамоаси 1-ўринга лойиқ кўрилди. 2-ўрин Қорақалпоғистон Республикаси Нукус шаҳридаги Муҳаммад ибн Аҳмад ал-Беруний номидаги ўрта махсус ислом билим юрти жамоасига ва 3-ўрин Тошкент ислом институти жамоасига насиб этди.
Ғолиб ва совриндор жамоаларга махсус диплом ва Ўзбекистон мусулмонлари идораси томонидан қимматбаҳо совғалар топширилди.
Азамат УСМОНОВ.
