Вилоят қўғирчоқ театрида болажонларга Президентнинг Янги йил совғаларини топшириш маросими бўлиб ўтди.
Тадбирда вилоят ҳокими Муротжон Азимов ёш авлод вакилларини байрам билан табриклаб, оилавий болалар уйлари тарбияланувчилари, ота-она қаровисиз қолган ва ота-оналари Ватан сарҳадларини ҳимоя қилиш йўлида ҳалок бўлган болалар, шунингдек, ижтимоий ҳимояга муҳтож оилаларнинг фарзандларига Президентимиз томонидан юборилган байрам совғаларини тантанали равишда тақдим этди.
Вилоят қўғирчоқ театри ижодкорлари томонидан намойиш этилган Янги йил томошалари тадбир иштирокчиларига ўзгача кайфият улашди.
Ширинликлар ва мактаб анжомларидан иборат Президент совғаларини топшириш маросимлари Қарши шаҳридаги “Имкон” реабилитация марказига эга давлат кўп тармоқли ихтисослаштирилган мактабгача таълим ташкилоти ва “Мурувват” интернат уйида ҳам ўтказилди.
Шоҳиста БОЗОРОВА
Собир НАРЗИЕВ олган суратлар.
