Ғузор туманида Миллий хавфсизлик хизмати чегара қўшинларининг ҳарбий хизматчилари оилалари учун барпо этилган шинам уйлар ҳам ана шу эзгу ишлар самарасидир.
Мазкур янги турар жойларнинг ҳарбийлар оилаларига топширилиши муносабати билан ташкил этилган тадбирда чегарачилар, туман ҳокимлиги ва кенг жамоатчилик вакиллари иштирок этди.
Унда Юртбошимиз раҳнамолигида истиқлол йилларида миллий армиямизни такомиллаштириш, мамлакатимиз мустақиллиги, хавфсизлиги ва ҳудудий яхлитлигини ҳимоя қилиш, ҳарбий хизматчиларни қўллаб-қувватлаш борасида амалга оширилаётган изчил ислоҳотлар ўз самарасини бераётгани таъкидланди.
- Ватанга хизмат қилиш энг олий бурчдир, - дейди чегара қўшинлари сержанти Сарвар Ҳайитов. - Айниқса, биз, ҳарбийларга кўрсатилаётган бундай юксак эътибор ҳар биримизнинг зиммамизга янада улкан масъулият юклайди. Ўз навбатида, яратилаётган бундай шарт-шароитлар, юксак эътибор учун Президентимиздан беҳад миннатдормиз.
"Бунёдкор омадли Дилшод" корхонаси қурувчилари томонидан бунёд этилган кенг ва ёруғ уйлар, улар яқинида барпо этилган кўркам болалар майдончаси ҳарбийлар ва уларнинг оила аъзолари учун истиқлолнинг 25 йиллик тўйи арафасида ажойиб байрам совғаси бўлди.
Азизбек НОРОВ
Суратларда: тадбирдан лавҳалар.
Собир НАРЗИЕВ олган суратлар.
