Ушбу тиббий кўрикда терапевт, хирург, кардиолог, гинеколог, невропатолог, офтальмолог, лор ва бошқа мутахассислар уруш ва меҳнат фронти фахрийлари, ёши улуғ инсонлар, хотин-қизлар ва болалар саломатлигини назоратдан ўтказишди.
Шунингдек, ногирон ва хаста фахрийлар кўчма тиббий гуруҳлар томонидан ўз яшаш жойларида кўрикдан ўтказилиб, уларга керакли ёрдамлар кўрсатилди.
- Ушбу тадбир давомида Яккабоғ, Шаҳрисабз ва Китоб туманларидан 500 нафарга яқин аҳоли тиббий кўрикдан ўтди, - дейди Яккабоғ туманидаги кўп тармоқли марказий поликлиника бош шифокори Холдор Эгамбердиев. - Касалликлари аниқланган беморларнинг 28 нафарига вилоятимиз шифохоналарида, 17 нафарига эса республика тиббиёт марказларида даволаниш учун тавсиялар берилди.
Ш.БОЗОРОВА.
