Ҳудуддаги барча ёшларни бир сафга бирлаштириш ва рағбатлантириш мақсадида ташкил этилган форумда туман раҳбарияти, давлат ва жамоат ташкилотлари вакиллари, фаол ёшлар иштирок этди.
Таъкидлаб ўтиш жоиз, Ёшлар иттифоқи томонидан ўтказилаётган кўплаб танлов ва фестивалларда мубораклик ёшлар ҳам фаол иштирок этиб, ўз маҳоратларини намойиш этаётир.
Тадбир дастурига асосан, турли учрашувлар, суҳбатлар уюштирилди. Интеллектуал мусобақалар ташкил этилди. Форум доирасида турли шундай танлов ва фестивалларда иштирок этиб, ўзини кўрсатган, ғолиб ва совриндорлар қаторидан жой олган, эътиборга тушган ёш мутахассислар, жамоалар, корхона ва ташкилотлар турли номинациялар бўйича тақдирланди.
Шу билан бир қаторда, форумда 30 нафар ижтимоий ҳимояга муҳтож оила фарзандларига ўқув қуроллари жамланмаси топширилди.
Акмал РАҲМОНОВ,
Ёшлар иттифоқи Муборак туман кенгаши раиси
