Ўзбекистон ёшлар иттифоқи вилоят кенгаши ташаббуси билан “Ислом Каримов фаолияти – ёшлар нигоҳида” мавзусида очилган кўргазма Буюк Йўлбошчининг меҳнат фаолияти, мамлакатимиз тараққиётида тутган ўрни, ёшларга қаратган эътибор ва ғамхўрлиги ҳамда аждодларимиз номини абадийлаштириш бўйича олиб борган ишларини қамраб олади. Фотоасарларнинг аксарияти Биринчи Президентимизнинг вилоятимизга ташрифи, воҳада бошлаб берган кенг кўламли ислоҳотларини ўз ичига олган.
- Мазкур кўргазма Биринчи Президентимизнинг матонати ва мардлигини ёшлар эътиборига ҳавола қилиш, уларни шундай улуғ зотларга муносиб бўлиш руҳида тарбиялашга қаратилган, - дейди Ёшлар иттифоқи вилоят кенгаши раиси Шомурод Сатторов. – Фотокўргазма мунтазам ишлайди ва бойитиб борилади. Барча юртдошларимиз ундан баҳраманд бўлишлари мумкин.
Аҳрор СОДИҚОВ
