Qashqadaryo

"Қашқадарё" газетасининг расмий веб-сайти
4 январь, шанба. 2025 йил                         Махсус версия RU

Соҳиба СУЮНОВА

03.02.2017


ЁШ ТАДБИРКОРЛАР ФОРУМИ

18 ёшдан 35 ёшгача бўлган тадбиркорлар иштирок этган форумда ёшлар тадбиркорлигини қўллаб-қувватлаш, бу борада давлат ва нодавлат ташкилотлари билан шериклик алоқаларини йўлга қўйиш, мамлакатимизда ёшлар тадбиркорлиги ривожининг бугунги ҳолати таҳлил қилинди.

Форумда ҳамкор ташкилотлар - Марказий банк вилоят бош бошқармаси, Савдо-саноат палатаси вилоят ҳудудий бошқармаси, Хусусийлаштириш, монополиядан чиқариш ва рақобатни ривожлантириш Давлат қўмитаси вилоят ҳудудий бошқармаси, Тадбиркорлар ва ишбилармонлар ҳаракати - Ўзбекистон Либерал демократик партияси вилоят кенгаши вакиллари ёш тадбиркорларнинг соҳага доир фикр-мулоҳазаларини тинглашди, таклифларини муҳокама қилишди.

- Ўтган йилги форумда тушган таклифлар кўриб чиқилиб, уларнинг энг маъқуллари бу йил амалиётга татбиқ этилган эди, – дейди  “Камолот” ЁИҲ Марказий Кенгаши Ижтимоий-иқтисодий лойиҳалар бўлими етакчиси Сардор Жўраев. – Жумладан, гаров таъминоти муаммосини ҳал қилиш мақсадида “Камолотдан кафолат” лойиҳаси амалга оширилиб, ёш тадбиркорларнинг суғурта полиси ишлаб чиқилди. Ёшлар тадбиркорлигини қўллаб-қувватлаш мақсадида ягона ёш тадбиркорлар маркази ташкил этилди. Бу йилги форумда ҳам янги-янги таклиф ва лойиҳалар илгари сурилаяптики, уларнинг аксарияти самарадорлиги билан ажралиб турибди.

Форум якунида тадбирнинг Республика босқичида қатнашадиган 10 нафар ёш тадбиркор саралаб олинди.

Соҳиба СУЮНОВА

Report typo