"2050 йилга бориб 60 ёшдан ошган дунё аҳолиси сони икки баробарга кўпайиб, 2 миллиард 100 миллион кишини ташкил этади. Бу ҳақда Euronews манбаси 15-19 январь кунлари Давос (Швейцария)да бўлиб ўтган Бутунжаҳон иқтисодий форуми якунлари бўйича маърузага асосланиб хабар тарқатган.
Келажакда кўпчиликка пенсия етмайди. Одамларга ҳаётининг охирги 8-10 йилини мутлақо пулсиз ўтказиш хавфи чанг солаяпти. Бу сиёсатчилар томонидан ечилиши керак бўлган жиддий муаммо, дейилади ҳужжатда.
Мамлакатлар фуқароларнинг молиявий билим олиш имкониятини таъминлаши керак. Бугунги кунда сайёра аҳолисининг атиги 33 фоизи молиявий саводхон ҳисобланади, холос.
Маъруза муаллифлари, шунингдек, меҳнатга ҳақ тўлаш ва пенсия таъминотидаги тенгсизликни марказлашган ҳолда бартараф этишга чақирган.
