Туман ҳокимлиги ҳамда Миллий хавфсизлик хизмати чегара қўшинлари қисми томонидан ташкил этилган фестивалда туман аҳли, ёшу қари иштирок этди.
- Бугунги фестивалда Қуролли Кучларимизда ишлатиладиган энг замонавий ҳарбий техника, қу-рол-яроғ воситалари кўргазмаси ташкил этилди, - дейди Миллий хавфсизлик хизмати чегара қўшинлари офицери, майор Ғайрат Қосимов. – Ҳарбий хизматчиларимиз томонидан қўл жанги элементларини ўзида мужассамлаштирган кўргазмали чиқишлар намойиш қилинди.
Фестиваль доирасида туман бадиий жамоаларининг концерт дастури ҳам намойиш этилди.
Ҳудди шундай тадбир Нишон тумани Талимаржон шаҳрида ҳам ташкил этилди. Унда таъкидланганидек, Қуролли Кучларимиз ташкил этилгалигининг 26 йиллиги ва Ватан ҳимоячилари куни муносабати билан ўтаётган бу каби тадбирлар халқни армия билан янада яқинлаштиришга, ёшларда ватанпарварлик ҳиссини оширишга хизмат қилмоқда.
М.ЖЎРАЕВ, С. НАРЗИЕВ
