Тадбир давомида вилоят кўп тармоқли болалар шифохонасининг бир гуруҳ шифокорлари ота-оналарга астма хуружи вақтида уй шароитида болага қандай ёрдам кўрсатиш, касалликни биргаликда енгиш учун нималарга амал қилиш кераклигига оид маслаҳат ва тавсиялар беришди.
- Маълумки, сурункали астма болаларда кўп учрайдиган хасталик, - дейди Ўзбекистон “Меҳр-шафқат ва саломатлик” жамоат фонди вилоят ваколатхонаси раиси Қаноат Азизов. – Аввало, унга чалинмаслиги учун боланинг саломатлигини ўз вақтида назорат қилиш шарт. Шу касаллик билан хасталанган боланинг парваришига, овқатланиши, дам олишига алоҳида эътибор қаратиш зарур. Бугунги тадбирда берилган шифокорларнинг кўрсатмалари эса ота-оналар учун бу борада амалий ёрдам бўлади, деган ниятдамиз.
Тадбирда ўғил-қизларга фонд томонидан эсдалик совғалари тақдим этилди. Кичик концерт дастури уларга чинакам байрам завқини улашди.
Х.ҚИЛИЧЕВА
