Qashqadaryo

"Қашқадарё" газетасининг расмий веб-сайти
5 декабрь, якшанба. 2021 йил                         Махсус версия RU

30.03.2021


Ғузорлик Раджу янги боғча ташкил қилди

Ғузор туманидаги Совбоғ маҳалласида тадбиркор Раджу Шерқулов томонидан “Раджу” номли нодавлат мактабгача таълим ташкилоти фаолияти йўлга қўйилди.

Ҳокимлик ахборот хизматидан билдиришларича, тантанали очилиш маросими 3-сектор раҳбари – туман ички ишлар бўлими бошлиғи, ҳокимият вакиллари, мактабгача таълим тизими мутасаддилари, нуронийлар ва кенг жамоатчилик иштирокида ўтди.

Давлат хусусий-шериклик асосида ташкил этилган мактабгача таълим муассасасида келажагимиз давомчилари бўлмиш ёш авлодни тарбиялаш учун барча шарт-шароитлар яратилган бўлиб, замонавий жиҳозлар билан таъминланган.

– 120 ўринга мўлжалланган мазкур боғча 1 миллиард 40 миллион сўм имтиёзли кредит маблағлари ҳамда 1 миллиард 10 миллион сўм ўз маблағимиз ҳисобига бунёд этилди, – дейди тадбиркор. – Қўшни қишлоқлардан қатновчи болалар учун бепул автобус хизмати йўлга қўйилган.

Таъкидланишича, “хавфсиз боғча” тамойилига кўра, бино атрофлари ва барча хоналарида камералар ўрнатилган бўлиб, ота-оналар фарзандлари таълим жараёнини бевосита онлайн равишда кузатиб бориши мумкин.

Report typo