Эрон Фаластиннинг Ғазо минтақасини қайта тиклаш учун қўшма платформа яратишни таклиф этди, дея хабар беради «Новости» ахборот агентлиги.
Аниқлик киритилишича, Эрон олий диний раҳнамосининг маслаҳатчиси, халқаро алоқалар бўйича стратегик кенгаш раҳбари Камол Харрозий Араб-Эрон мулоқоти 4-конференцияси очилишида шундай ташаббус билан чиққан.
«Биз ички кўчирилган одамларни қўллаб-қувватлаш ва Ғазони тиклаш учун умумий платформага асос солишимиз керак», деган у.
Сиёсатчининг сўзларига кўра, Эрон минтақа давлатлари билан тушунмовчиликларни камайтириш учун мулоқотга тайёр. Расмий Теҳрон шу мақсадда, жумладан, тадқиқот маркази тузишни таклиф қилган.
