Қашқадарё газетаси Олам Фаромушхотирнинг омади чопди
Олам

Фаромушхотирнинг омади чопди

Американинг Огайо штатида яшовчи фуқаро фаромушхотирлиги туфайли 500 минг долларлик катта лотерия ютуғи эгасига айланди, деб ёзади UPI манбаси.

Ғолибнинг сўзларига кўра, у 50 доллар ютуқ чиққан лотерея чиптасини нақдлаштириш учун бозорга отланган. Манзилга етиб келгач, билсинки, уни уйда унутиб қолдирган ва ғазабга тушган. Қайтиб бориб, яна келиш учун вақтни беҳуда сарфлаш ўрнига у ўша лотерея ўйини учун бошқа битта чипта сотиб олишга қарор қилган.

Эркак бозордан узоқлашмай, машинасида омадини текшириб кўрган. У чипта ҳимоя қатлами остида ярим миллион доллар ютуқ яшинганини кўриб, ҳайратга тушган.

Ғолиб аллақачон қўлга киритган ютуғини нималарга сарфлаши ҳақидаги режалари билан ҳам ўртоқлашган. У ипотека кредитини тўлаш, янги автомобиль сотиб олиш, энг муҳими, оиласига кўпроқ вақт ажратиш учун иш кунларини қисқартириш ниятида. 

Exit mobile version